قصيدة مفتوحة لسيدي فالانتان

عيد الحب يا لا للّي جانا
والفرح جانا وهنّانا

الجّيب فارغ ولقلب مليان
يكعبروهالك وتخرج فرحان
الواحد يلبّ في هاليّام البرد
يلوّج على طرف شكلاطة ولاّ باكو ورد
قلّك على خاطرها كل شيّ يهون
تجري وتجرّي في هالنهار المحنون

عيد الحب يا لا للّي جانا
والفرح جانا وهنّانا

من فاتال لجايون ، لكارفور
تعدّي النّهار كامل تدور
شايلاّه و لايلاّه يا سيدي فالانتان
بالسّيف عليك تكون فرحان
لا يقولو مشحاح و مكش رومنتيقي
جاهل ومتخلّف خاطرك إفريقي

عيد الحب يا لا للّي جانا
والفرح جانا وهنّانا

من تالاكوم لتونيزيانا
كلّها بهلعيد فرحانة
عزيزي و شيري و مونآمور
كلّها كلمات فلميساجات تدور
وكي تجي للصّحيح يجيبو ربّي
الحبّ الحقيقي فلقلب مخبّي

عيد الحب يا لا للّي جانا
والفرح جانا وهنّانا

el-karkeni